Во низата на телефонски измами, во кои со наводна сообраќајка се наведуваат постари граѓани да платат поткуп, се впишуваат уште две.
Прво вчера во 11.00 часот во СВР Скопје, 80-годишна жена од Скопје пријави дека на 16.07.2025 била измамена од едно машко лице за сума од околу 900 евра.
Според пријавеното, лицето ѝ се јавило телефонски, се претставило како полициски службеник и ѝ кажало дека нејзината внука предизвикала сообраќајна несреќа во која прегазила дете, кое починало и доколку не сака таа да лежи во затвор, требало да плати.
Како што е пријавено, таа парите ги фрлила преку тераса, како што претходно и кажало лицето, а подоцна сфатила дека била измамена.
Во 17.45 часот во СВР Скопје, пак, 68-годишна жена од Скопје пријавила дека околу 15.30 часот била измамена од едно машко лице за сума од околу 1.300.000 денари.
Според пријавеното, лицето ѝ се јавило телефонски, се претставило како лекар, вработен во Градска болница и ѝ кажало дека нејзината ќерка се здобила со повреди и требало да прави операција, а за тоа требало да се плати.
Како што е пријавено, таа парите ги оставила на договореното место, а подоцна сфатила дека била измамена.
Од МВР велат дека се преземаат мерки за расчистување на случаите
© Vecer.mk, правата за текстот се на редакцијата
