Времето денеска ќе биде претежно сончево со мала до умерена локална облачност, информираат од Управата за хидрометеоролошки работи (УХМР).
Во попладневните часови во крајните југозападни региони ќе има услови за слаб дожд и појава на ретки грмежи.
„Минималната температура ќе се движи во интервал од 2 до 12 степени, додека максималната ќе достигне од 20 до 25 степени“,
се вели во прогнозата на синоптичарите.
Во Скопје времето ќе биде сончево со мала облачност и слаб до умерен променлив ветер.
„Утринската температура ќе се спушти до 7 степени, а дневната ќе достигне до 25 степени“,
велат од УХМР.
Од утре, па до крајот на неделата следува период на променливо облачно време со повремен локален дожд, кога се очекува изолирана појава на нестабилност. Во среда на повеќе места ќе има нестабилна облачност проследена со пороен дожд и грмежи.
© Vecer.mk, правата за текстот се на редакцијата
