Синоќа големата сала „Борис Трајковски“ во Скопје беше претворена во центар на албанското единство, соопштија од политичката партија Вреди. Илјадници граѓани присуствуваа на собирот, а дел останале надвор поради огромниот интерес.
„Срцата на Албанците чукаа толку силно што ниту една сала не можеше да ги собере. Скопје и сите Албанци беа еден глас. Вреди не ветува, Вреди работи“, истакнаа од партијата.
Од таму потсетија на досегашните реализирани проекти – 40 милиони евра за Универзитетот „Мајка Тереза“, 25 милиони евра за плоштадот „Скендербег“, 80 милиони евра за албанските општини, како и стотици спроведени инфраструктурни инвестиции. Дополнително, речиси 240 милиони евра се планирани до 2028 година.
„Вреди не е список на ветувања, туку инвентар на дела. Владееме одговорно, работиме посветено и ја одржуваме довербата на народот“, велат од партијата.
Според Вреди, досега 2.300 Албанци се вработени во институциите, а 700 се унапредени, што, како што нагласуваат, е доказ за „правична и соодветна застапеност“.
Партијата повика на масовна поддршка на изборите на 19 октомври.
„Сега е време Албанците повторно да ја земат судбината во свои раце. Како што го ослободивме Тетово од угнетување во 2021 година и соборивме неправда од централната власт во 2024 година, така ќе ги ослободиме Струга, Дебар, Кичево, Гостивар, Скопје и Липково“, велат од Вреди.
© Vecer.mk, правата за текстот се на редакцијата
