Осумнаесет нови возила, донација од ЕУ, беа промовирани денеска, а кои се за потребите на Државниот инспекторат за транспорт.
Заменик претседателот на Владата и министер за транспорт, Александар Николоски истакна дека Државниот инспекторат за транспорт со ова добива комплетно нова димензија, посочувајќи дека сега вработените ќе може да ги има на секоја точка од државата.
-Со овие 16 специјално опремени патнички моторни возила, и две специјално опремени возила за следење, но и едно специјално адаптирано комбе кое ќе биде како контролен центар за овие 18 возила, целосно ќе може инспекторатот да ја заврши својата работа, што значи поголема безбедност на патиштата, побрз и поефикасен инспекциски надзор. Ќе значи заштита на патиштата имајќи предвид дека ќе се контролира зголемената и прекумерна тежина на камионите, ќе се контролира превозот на опасни стоки, автобусите, вели Николоски.
© Vecer.mk, правата за текстот се на редакцијата
