„Забрането е да се шета низ Ле Сабл-д'Олон без маица или во костим за капење. Малку пристојност, ве молам“, изјави градоначалникот Јаник Моро за телевизијата CNEWS, пренесе Јутарњи.
На локалната полиција ѝ е наредено да ги казни туристите кои не ја почитуваат забраната со казна од 38 евра, се вели во соопштението.
Тој објасни дека станува збор за почит кон жителите на летувалиштето кои не сакаат луѓето да шетаат низ нивниот град полуголи и дека тоа е основно правило на јавната хигиена на пазарите и продавниците.
„Ако сакате да ги покажете вашите стомачни мускули или вашиот најдобар костим за капење во Ле Сабл-д'Олон, имате 11 километри плажа на располагање“, додаде Моро.
На хумористичен постер во поддршка на кампањата против костими за капење на улиците пишува: „По 200 години елеганција, не сакаме долна облека на нашите улици!“ Постерот ја прикажува еволуцијата на облеката за плажа, почнувајќи со маж во традиционална француска облека покрај жена во долг фустан, потоа турист во патики, шорцеви и маица, а потоа мажи без кошули.
© Vecer.mk, правата за текстот се на редакцијата
