Дали водата влијае на крвниот притисок? Многу фактори влијаат на крвниот притисок, од навиките во исхраната и нивото на физичка активност до секојдневниот стрес. Која е улогата на водата во сето ова?
Водата за пиење може да помогне во нормализирање на крвниот притисок, објаснува пулмологот и професор Раџ Дасгупта.
Имено, во случаи на дехидрација, водата може да помогне во намалување на крвниот притисок. Иако не е замена за лекување на хипертензија, редовната хидратација поддржува поздрави нивоа на крвен притисок, без разлика дали имате висок крвен притисок или не.
Хидратацијата помага во регулирањето на волуменот на крвта, ја поддржува циркулацијата и го намалува оптоварувањето на срцето, вели терапевтот Британи Фери.
Со дехидрација се намалува волуменот на крвта, што ја зголемува концентрацијата на натриум и предизвикува стеснување на крвните садови, објаснува д-р Дасгупта, што резултира со зголемување на крвниот притисок, пишува SingleCare.
Водата за пиење може да го намали крвниот притисок во рок од 30 до 60 минути, а промените се забележуваат по само 15 до 20 минути.
Се препорачува да се чека најмалку 30 минути по консумирањето вода за да се измери крвниот притисок, додека за ефектот често се доволни 500 ml вода (две чаши).
Нормалниот крвен притисок е опсег на систолен притисок до 120 и дијастолен притисок до 80 mmHg.
Иако хидратацијата го поддржува нормалниот проток на крв и функциите на телото, д-р Дасгупта предупредува дека пиењето премногу вода може да предизвика хипонатремија, состојба на ниско ниво на натриум во крвта.
Колку вода треба да пиете во текот на денот?
Препорачаната дневна количина на вода за возрасни е околу 2,7 литри за жени и 3,7 литри за мажи, приближно 11 до 15 чаши од 2-4 децилитри.
Водата не е единствениот пијалок кој помага во намалување на крвниот притисок. Сокот од цвекло, сок од домати, сок од портокал, сок од калинка, сок од брусница, црн и зелен чај и млеко исто така можат да помогнат.
© Vecer.mk, правата за текстот се на редакцијата
