Ќе се одржи саем за миленичиња, парада на хуманоста и концерт на кој ќе настапат Викторија Лога, Лозано, Тамара Тодевска и Драган Мијалковски.
Организаторите најавуваат настан исполнет со љубов, добрина и шанса за подобар живот на бездомните кучиња.
- Роденденот е повеќе од прослава – тоа е повик до сите да помогнат, да донираат или да подарат љубов на оние што немаат свој дом. Настан кој ги спојува семејствата, децата и љубителите на животни, потсетувајќи дека грижата за миленик е одговорност, а не тренд. Во текот на целата роденденска недела, посетителите ќе можат да ја посетат донаторската зона и „Ѕвездите на Лајка“ – простор посветен на кучињата кои моментално се згрижени во Лајка и со нетрпение очекуваат да бидат вдомени. Секој гостин ќе има можност да ги запознае, да дознае нешто повеќе за нивните приказни и – можеби – да си замине дома со нов верен пријател, велат од ЈП „Лајка“.
На саемот за миленичиња ќе бидат присутни ветеринари и едукатори кои ќе споделат совети за одговорно сопствеништво и грижа за миленик, а утре ќе се одржи парадата на хуманоста во друштво со Биби, Боби и жирафата Жижи.
Концертот на македонските музички ѕвезди ќе се одржи во недела.
© Vecer.mk, правата за текстот се на редакцијата
