Тригонот меѓу Месечината и Уран во Бик отвора можност за свежи решенија и неочекувани внатрешни промени. За многумина, ова ќе биде викенд кога нешто ќе „кликне“, особено кога ќе се ослободиме од нешто што веќе не ни служи.
Овен: Овој викенд ви носи потреба да се фокусирате на она што е реално и опипливо. Љубовните ситуации може да ве предизвикаат со прашања околу обврска и слобода, не брзајте со одлуки, туку слушнете ги вашите граници. Работно, ова е време да ја покажете вашата зрелост и да се насочите кон долгорочна стратегија. Емоционалниот напор може да се одрази на телото, затоа најдете време за физичка активност или природа.
Бик: Викендот ви носи олеснување и нова перспектива. Љубовта станува попространа, ако сте под притисок, конечно ќе можете да се оддалечите или да се ослободите од вина. Работно, стоите на сигурен терен, но имате шанса да замислите нов правец. Уран ви носи инспирација – нешто практично и истовремено ослободително. За телото, најдобро е да сте во контакт со земјата, боси по трева, во градина или на пикник.
Близнаци: Емоционално сте длабоки овој викенд, но тоа не значи дека сте изгубени. Љубовта се изразува преку зборови – некој сака да ве чуе искрено. Работно, се отвора простор за нешто ново, особено ако сте подготвени да менувате рутини и приоритети. Преуморени сте од вишок комуникација, најдете начин да ја смирите менталната бучава и да ја слушнете интуицијата.
Рак: Месечината во јарец ве потсетува на вашите обврски и на односите што бараат зрелост. Љубовта ви поставува огледало – дали сте подготвени да простите, да ги пуштите старите очекувања? Работно, може да се појави понуда што бара храброст и чекор надвор од сигурната зона. Телесно, можни се напнатости. користете вода како средство за смирување: бања, туш или езеро.
Лав: Викендот носи потсетување дека не се сè врти околу вас, и тоа не е лошо. Љубовните односи може да ви покажат што значи вистинска интимност без драма. На работа, време е да се повлечете малку и да дозволите да ви дојде инспирацијата, наместо да ја туркате на сила. За здравјето, потребен е дигитален детокс и време во природа ќе ви го прочистат умот.
Девица: Љубовта овој викенд ви изгледа комплицирано, но всушност е едноставно: се бара искреност кон себе. Премногу сте критични и тоа може да ве оддалечи од некој што се обидува да ви се приближи. Работно, одлично време за детална анализа и за завршување проекти. Но, внимавајте на нервниот систем – прошетка сама, чај и тишина се идеалната комбинација.
Вага: Љубовта ве предизвикува да се симнете од облаци и да се соочите со реалноста. Можно е ново познанство што ви изгледа возбудливо, но треба трезвено да го процените. Работно, може да се појави неочекувана можност за соработка – бидете дипломатични, но не и наивни. Внимавајте на грлото и на тоа како ги изразувате чувствата – не ги гуткајте.
Скорпија: Овој викенд ви носи потреба од повлекување и поставување здрави граници. Љубовните односи може да станат премногу интензивни, па ќе мора да се дистанцирате за да видите што навистина сакате. Работно, ве притиска нешто што одамна го одложувате – време е да го завршите. За здравје – детокс, пливање или едноставно пуштање на стариот товар.
Стрелец: Ве обзема желбата за ослободување – од луѓе, од рутини, од емоции. Љубовта ќе добие нов сјај ако внесете малку игра и спонтаност. На работа, насочете се кон идни цели и размислете за учење нешто ново. Физичката енергија ви е висока – искористете ја преку движење на отворено.
Јарец: Месечината во вашиот знак ве става во центарот на сериозни прашања. Љубовта бара од вас длабочина, но вие сакате јасност и стабилност. Работно, може да добиете потврда за трудот што долго време сте го вложувале. За здравјето, телото ви сигнализира кога претерувате со контрола, пуштете малку и дозволете спонтаност.
Водолија: Неделата ви носи прилика за вистинска слобода – но не како бегство, туку како избор. Љубовта бара искреност, а не дистанца. На работа може да блеснете со иновативна идеја, особено ако ја следите интуицијата. Здравјето ќе ви се подобри со малку хаос – не планирајте сè, дозволете да се случи.
Риби: Љубовта е тивка и длабока, можеби не сте сигурни што чувствува другата страна, но вашата чувствителност ве води точно кон она што е најдобро за вас. Работно, можеби чувствувате притисок, но тоа е само знак дека ви треба нова мотивација. Не заборавајте да ги филтрирате емоциите – не е сè ваше. Медитација, тишина и уметност ќе ви бидат лековити.
© Vecer.mk, правата за текстот се на редакцијата
