Повеќето луѓе се радуваат на она што доаѓа со свршувачката, но важно е да разговарате за неколку основни работи за да бидете сигурни дека и двајцата сте подготвени за сè што доаѓа со бракот.
Пред да одлучите да се свршите, поставете си ги овие три прашања кои можат да ви помогнат подобро да се разберете и да се подготвите за заедничка иднина.
Дали и двајцата сме подготвени за брак, со сето она што тој носи?
Бракот е повеќе од љубов и свадба, тој е преданост која би требало да трае низ сите фази од животот. Пред да одлучите да се верите, важно е да размислите што значи бракот за двајцата. Дали сте подготвени да се соочите со предизвиците, промените и компромисите што ги носи бракот, од секојдневниот живот до идните планови?
Подготовката за брак значи дека и двајцата сте свесни што подразбира бракот, за подоцна да имате помалку изненадувања и несогласувања. Разговорот за тоа може да ви помогне да ги усогласите вашите очекувања и да разберете колку сте спремни и двајцата да инвестирате во вашата заедничка иднина.
Како ќе управуваме со парите?
Парите се чест извор на несогласувања во бракот. Од почетокот на врската, важно е да имате јасна претстава за тоа како ќе управувате со финансиите. Дали ќе имате заедничка сметка? Како ќе ги распределите трошоците? Кои се вашите финансиски цели? Отворениот разговор за парите може да спречи многу проблеми подоцна.
Финансиските несогласувања можат да бидат извор на напнатост, а успешното управување со парите е темел на стабилен брак. Разбирањето на ставовите на двајцата партнери кон парите помага да се избегне стресот и несогласувањата во иднина.
Како ќе ги балансираме семејството, кариерата и приватниот живот?
Секоја врска бара рамнотежа, а бракот не е исклучок. Како ќе ги балансирате семејните обврски, работата, пријателите и времето за себе? Дали ќе имате деца и како ќе ги поделите обврските? Ова се прашања што вреди да се постават пред да се одлучите да стапите во брак.
Разговорот за тоа како ќе ги поделите обврските и ќе одвоите време за личните интереси и моментите поминати заедно може да ви помогне во избегнувањето несогласувања подоцна. Заедничкото разбирање на вашите приоритети и вредности ќе ви овозможи подобра рамнотежа помеѓу балансирате семејните, деловните и личните потреби.
© Vecer.mk, правата за текстот се на редакцијата
