Апликацијата соопшти дека не открила никакви прекршувања на нејзината енкрипција, објави „Скај њуз“.
„Тврдењето на руската влада дека нашата енкрипција е загрозена е намерна измислица наменета да го оправда забранувањето на 'Телеграм' и принудувањето на граѓаните на државна платформа за пораки дизајнирана за масовен надзор и цензура“, соопшти компанијата.
Како што претходно беше објавено, рускиот министер за дигитален развој Максуд Шадаев тврдеше дека постојат многубројни индикации дека странските разузнавачки агенции користат податоци против руската војска.
„Телеграм“ е една од најпопуларните услуги за пораки во Русија и е широко користена од војниците што се борат во Украина.
Апликацијата се соочува со притисок од руските власти, кои воведоа ограничувања за наводно неотстранување екстремистичка содржина.
© Vecer.mk, правата за текстот се на редакцијата
