Како правилно да ја складираат оваа храна? Се истакнува, пред сѐ, дека е важно да се обрне внимание на тоа колку долго сувото месо може да остане во фрижидер или замрзнувач, а да се сочува безбедно за употреба. Покрај тоа, сувото месо не е исто во секоја фаза од подготовката. Рокот, на пр. зависи од тоа дали месото е свежо купено, солено, чадено или термички обработено. Токму тука се јавуваат некои од проблемите, бидејќи честопати сите видови месо се ставаат во истиот дел од фрижидерот, без размислување, пишува порталот „Кликс“.
Необработеното суво месо што сè уште не е солено или чадено може да се чува три до четири дена во обичен фрижидер, и тоа - само во најстудениот дел. Потоа, ризикот од расипување нагло се зголемува. Поради оваа причина, се препорачува што е можно побрзо да се посоли, термички да се обработи, да се расече и да се префрли во замрзнувачот.
Кога говориме за чадено и солено суво месо, случајот е поинаков. Таквото месо може да се чува во фрижидер до три месеци, под услов да е правилно спакувано и да не е изложено на влага. Чадот и солта се природни конзерванси, се вели, но тоа не значи дека месото може да стои бесконечно.
Ако е подготвена поголемо количество сушено месо и знаете дека нема брзо да го употребите - замрзнувачот е најдобро решение. Сувото месо треба да биде цврсто завиткано во најлонска или вакуумска ќеса, на таков начин што нема да има допир со воздух. На овој начин, може да се чува до 12 месеци, без многу губење на вкусот и квалитетот. Исто така, по одмрзнувањето - месото не се замрзнува повторно.
Ако забележите промена во мирисот, бојата или текстурата на месото, ова е јасен знак дека тоа треба да се фрли.
© Vecer.mk, правата за текстот се на редакцијата
