Автомобилските седишта се направени од исклучително цврсти ткаенини кои можат да издржат тешки товари. Сепак, тие се чувствителни на мрсна храна или чоколадо, па дамките остануваат.
Како да ги отстраните? Покрај специјализираните алатки што можете да ги купите во продавниците, решението можеби се крие во вашето домаќинство.
Со дамки на седиштата можете да се борите со пена за бричење, вода во која ќе додадете малку оцет или ако не ви се допаѓа мирисот на оцет, сок од лимон.
Нанесете пена за бричење на делот од седиштето што е валкан или мрсен, почекајте една минута, а потоа темелно избришете ја целата површина со сува крпа.
Ако користите оцет, додадете малку од него во сад со топла вода. Можете да додадете и малку течен детергент за миење садови. Лесно намачкајте го валканиот дел од седиштето, а неколку минути подоцна избришете го со крпа натопена само во чиста вода и повторно, неколку минути подоцна, избришете сè со сува крпа. Истото важи и за сокот од лимон, кој можете да го користите наместо оцет.
Ако овие домашни методи не го решат проблемот, сепак ќе треба да купите специјализирана алатка или да го однесете автомобилот на професионално чистење.
© Vecer.mk, правата за текстот се на редакцијата
