Жртвата, Ендру Нирер, на 19 јануари одел до продавница во градот Џим Торп, кога се соочил со дивиот и бесен ѕвер.
На снимката од безбедносните камери е виден Нирер како се обидува да побегне од кафеава мечка тешка 45 килограми, која продолжила да го следи. Пред да избега, животното го нападнало – скокајќи по него и обвиткувајќи ги канџите околу него.
Terrifying moment rabid bear attacks Pennsylvania man and leaves him infected with deadly disease https://t.co/CjFJdL6jL5 pic.twitter.com/JYr1J3aSew
— Daily Mail Online (@MailOnline) January 28, 2025
Нирер претрпел каснувања и гребаници пред соседот да ја застрела мечката.
„Можеше да биде многу полошо. За среќа, тој ме спаси, ја застрела“, изјави Нирер.
Комисијата во Пенсилванија го опишала однесувањето на мечката како „ненормално“.
„Возрасна машка мечка агресивно му пријде на човекот, а потоа го касна и го изгреба, покажувајќи ненормално однесување за црна мечка“, соопшти агенцијата.
Персоналот на Комисијата за диви животни ја однеле мечката на тестирање и утврдиле дека има беснило. И покрај ужасниот настан, Нирер рече дека верува оти животното било едноставно исплашено и гладно.
"Тие се гладни. Тие гладуваат. Треба да бидат во хибернација. Ова време е чудно во последно време. Топло, ладно, топло, ладно", објасни тој и продолжи:
„Жал ми е за мечките бидејќи тие навистина не предизвикуваат толку проблеми. Едноставно нешто се случува.“
Државната комисија за дивиот свет изјавиле дека иако беснилото кај мечките е ретко и случаите се изолирани, болеста „претставува ризик за сите цицачи“.
„Во овој конкретен случај, машките мечки имаат тенденција да се повлекуваат сами во зима, намалувајќи го ризикот другите мечки да бидат изложени на беснило.“
Се очекува Нирер целосно да закрепне и веќе „доби соодветен медицински третман“.
© Vecer.mk, правата за текстот се на редакцијата
