Во текот на изминатите четири децении, многу Авганистанци избегаа во Пакистан поради воен конфликт, политичка нестабилност и економски тешкотии во нивната татковина.
Според Високиот комесаријат на Обединетите нации за бегалци (УНХЦР), во моментов има околу 1,4 милиони Авганистанци регистрирани во Пакистан кои поседуваат дозволи за престој.
Властите во Исламабад првично одбија да ја обноват важноста на овие дозволи по 30 јуни, што предизвика критики од групите за човекови права.
Портпаролот на пакистанското Министерство за надворешни работи денес изјави дека на авганистанските бегалци им се дава „грејс период“ од 25 дена од 4 до 31 август за доброволно да се вратат во својата татковина. Портпаролот додаде дека Авганистанците кои не ја напуштиле земјата до тој рок би можеле да бидат притворени и присилно депортирани.
Исламабад, исто така, се подготвува да протера 800.000 луѓе со документи за авганистанско државјанство, кои според властите, нелегално престојуваат во Пакистан.
© Vecer.mk, правата за текстот се на редакцијата
