Статистиката вели дека кул клинците носат Прада. Имено, луксузниот италијански бренд го зазеде првото место на Lyst Index рангирањето на најпопуларните модни куќи во последниот квартал од 2022 година. Со тоа тој се помести од второто место и ги симна од тронот своите конкуренти од Гучи.
Од октомври до декември, пребарувањата за производите на Прада се зголемија за 37 отсто. Тоа беше резултат на низа големи промени за оваа компанија. Имено, во четвртиот квартал Прада ја лансираше својата прва колекција на фин накит, изработен од рециклирано злато; ја претстави ѕвездата на ТикТок, Чарли Д'Амелио како заштитно лице на својата кампања Linea Rossa и го именуваше Андреа Гуера за нов извршен директор на групацијата Прада.
Иако Прада го престигна Гучи, вториот бренд падна на второто место на индексот Lyst. Највпечатлив скок оствари Монклер, кој од 17. место во претходната четвртина се искачи на третото. Топ петте брендови ги заокружуваат Миу Миу и Валентино.
Ботега Венета скокна на 6-то место од 11, засилена со новата услуга со доживотна гаранција на нејзините чанти и колекцијата за пролет 2023. Лоу скокна на 7-то место од 14, делумно благодарение на нејзината претколекција пролет/лето 2023 во која се појавува Клои Севињи и Лука Гвадањино. А Угг за прв пат се појави на листата, на 17-то место, најмногу поради мегапопуларниот модел Мини.
Баленсијага падна од високото 4 на 11-то место, најмногу поради неколкуте скандали, како кампањата во која се сексуализирани деца и турбулентниот прекин на соработката со Кање Вест.
Погледнете ја целата листа на најпопуларни модни куќи во последото тромесечје од 2022 година:
1. Prada
2. Gucci
3. Moncler
4. Miu Miu
5. Valentino
6. Bottega Veneta
7. Loewe
8. Dior
9. Dolce & Gabbana
10. Saint Laurent
11. Balenciaga
12. Nike
13. Versace
14. Fendi
15. Louis Vuitton
16. Diesel
17. Ugg
18. Burberry
19. Coach
20. Jacquemus
© Vecer.mk, правата за текстот се на редакцијата
