Многу галама се крена последниве години за таа вештачка интелигенција и доминација во однос на човекот но, во пракса, работите не изгледаат така. Се уште нема сигурна замена за човечка рака и око. Доказ се робот таксите, или автомобилите за такси кои сами се управуваат со помош на сензори и далечинска контрола.
Иако компанијата Waymo која управува со робот такси тврди дека нивните робот-такси може да го избегнат сообраќајниот метеж, тие собраа 589 сообраќајни казни во вкупна вредност од 65.000 долари минатата година.
Целиот концепт на робот-такси треба да биде удобна, безбедна и ефикасна опција за транспорт, но се чини дека возилата Waymo во Сан Франциско се склони кон кршење на прописите за паркирање. Возниот парк на автономни автомобили изрече многу казни во изминатата година.
Податоците од градската Агенција за општински транспорт покажуваат дека возилата добиле 589 казни за паркирање во 2024 година, што ја чинело компанијата 65.065 долари. На улиците на Сан Франциско има повеќе од 300 такви возила, а до септември минатата година тие поминаа повеќе од 15 милиони километри.
„Вашингтон пост“ објави дека добар дел од овие прекршувања, поточно 138, се евидентирани поради непочитување на ограничувањата поврзани со претекнувања на улиците, додека 134 се поврзани со попречување на јавните површини. Исто така, изречени се 77 казни за паркирање на забранети места, како и 74 за блокирање сообраќај. Дополнително, возилата Waymo добија 75 казни и во Лос Анџелес минатата година, така што проблемот не е присутен само во Сан Франциско.
Службеник за спроведување на градскиот паркинг рече дека напишал казна за автомобил Waymo откако забележал дека е паркиран неколку часа на место означено за проодност на улица. Иако ова можеби не изгледа како голем проблем, официјалните лица велат дека ако робот-такси-возилата го нарушат сообраќајот, тоа го зголемува ризикот од судир со други возачи, бидејќи таквата ситуација може да ги натера да скршнат или нагло да закочат.
Waymo тврди дека моделите I-Pace на Jaguar се опремени со систем кој препознава паркинг места и може да утврди дали тие го блокираат сообраќајот. Сепак, тие понекогаш застануваат во комерцијалните зони за товарење за да им овозможат на патниците да се симнат ако единствените други достапни локации се преполни автопати или локации далеку од посакуваната дестинација на патниците.
Портпаролот на Waymo рече дека возилата се дизајнирани да вршат најбезбедна можна работа во текот на краткиот период поминат при преземање или симнување на патници, и токму тогаш тие најверојатно ќе соберат најмногу казни.
Целта е да се направат робот-такси што е можно побезбедни, но тие не се популарни меѓу сите жители на Сан Франциско. Минатата година беше опожарено возило „Вејмо“. Понекогаш тие можат да бидат едноставно досадни, на пример, кога се собираат на градски паркинг и свират среде ноќ.
Иако револуцијата на роботакси беше замислена како начин да се олесни животот, се чини дека ќе биде потребно извесно време пред овие автономни возила да станат навистина без проблеми.
© Vecer.mk, правата за текстот се на редакцијата
