Мажот доживеал два срцева удари и покрај повторените обиди за реанимација, не покажал знаци на живот, па медицинските лица решиле да го прогласат за мртов и да ги повикаат погребалните служби, објавува „Катимерини“.
Нормално комуницира со околината
По половина час, пациентот одеднаш ги отворил очите и ги исплашил докторите, медицинските сестри и роднините. Веднаш прашал каде се неговите деца, по што бил вратен во болница.
Неговата состојба подоцна била опишана како „стабилна“ и нормално комуницирал со околината.
Овој феномен е познат како Лазаров синдром и вклучува враќање на циркулацијата и виталните функции по кардиоциркулаторниот застој, на кој му претходела неуспешна реанимација.
Исклучително редок феномен
Нема објаснување како се јавува, додека некои експерти веруваат дека може да биде предизвикан од собирање воздух во градите за време на обидите за реанимација или од одложен ефект на лековите што се администрираат како дел од медицинската нега.
Првиот случај е регистриран во 1982 година, но од 1993 година е познат како Лазаров синдром.
Досега се регистрирани помеѓу 36 и 65 случаи во светот, што покажува дека феноменот е исклучително редок.
© Vecer.mk, правата за текстот се на редакцијата
