Сепак, дури и во време кога компјутерите биле многу помалку софистицирани, научниците ги користеле за да извршат неверојатни пресметки. Во медиумите се појавија информации дека група истражувачи одлучиле да користат модерна технологија за да се обидат да го одредат точниот момент кога општеството какво што го знаеме денес ќе пропадне – а резултатите многумина ги загрижија, пишува LADBible.
Како што вештачката интелигенција станува понапредна, научниците стануваат подобри во користењето на технологијата за предвидување на иднината на човештвото и планетата Земја. Тим на истражувачи од Технолошкиот институт во Масачусетс (МИТ) го искористи ова за да се обидат да пресметаат кога општеството може да исчезне во формата во која го знаеме денес.
Уште во 1972 година, тим од MIT користел компјутерски модели за да ги анализира моделите поврзани со населението, природните ресурси и потрошувачката на енергија во светот. По истражувањето, е објавена студија која ги истакнува претстојните ограничувања на растот, што може да доведе до конечен колапс на човечкото општество. Според овие пресметки, цивилизацијата би можела да пропадне во средината на 21 век – односно околу 2040 година. Тоа значи дека ни остануваат помалку од две децении, поточно околу 15 години, пренесува Вечерњи.
Во моментот на објавување, овој извештај не бил сфатен сериозно и наиде на потсмев, пишува The Guardian. Меѓутоа, во 2009 година, друга група истражувачи спровеле слична студија и дошле до речиси истите резултати. Според списанието American Scientist, поновата анализа покажала дека моделите од 1972 година биле „речиси совршено точни“ дури и 35 години подоцна, со неколку приспособени претпоставки. „Важно е да се разбере дека овие предвидувања не се отфрлени, туку се чини дека се многу точни. Не знаеме за економски модел кој бил толку точен во толку долг временски период“, се вели во студијата.
Дополнително, во 2021 година, холандскиот истражувач за одржливост Гаја Херингтон ги потврдила мрачните прогнози. „Од истражувачка гледна точка, мислев дека е интересно да се споредат податоците од децениски модел со денешните емпириски податоци“, изјави таа за „Гардијан“. Таа заклучила дека резултатите се уште се во согласност со прогнозите од 1972 година, според кои економскиот раст би можел да запре до крајот на оваа деценија, додека социјалниот колапс ќе следи десет години подоцна.
Сепак, Харингтон понудила трошка оптимизам. „Клучниот заклучок од моето истражување е дека сè уште имаме можност да тргнеме по пат кој не води до колапс. Со бизнис иновации, нови владини политики и ангажман на граѓанското општество, можно е да се ажурираат моделите и да се најдат решенија за поодржлива иднина“, рече таа.
© Vecer.mk, правата за текстот се на редакцијата
