Неименувана жена застанала на бензинска пумпа за да оди во тоалет, несвесна што ја чека.
Таму налетала на вознемирена жена која ѝ подала порака на парче хартија - и ја замолила да ја предаде на полицијата. Така започнала приказната со филмски пресврт.
Веднаш ја вклучи камерата
„Таа ја отвори вратата, ми подаде парче хартија и ми рече: „Те молам дај го ова во полиција“.
Жената излегла од тоалетот и ја вклучила камерата на телефонот. Таа снимила маж како стои покрај Шевролет и вознемирена жена која без прашање влегла во неговиот автомобил.
Потоа решила да ризикува и да ги следи, да им ги сними регистарските таблички, а додека возела повикала полиција и им кажала што се случува, пренесува LadBible.
Што се случи?
Властите брзо реагирале и го запреле Шевролетот, забележувајќи дека жената на совозачкото седиште е вознемирена. 53-годишниот маж зад воланот набрзо бил уапсен.
Епилогот од драматичната приказна го забележал и случаен минувач, кој го запрел својот автомобил во близина.
Жртвата ѝ рекла на полицијата дека била во врска 25 години, и дека нејзиниот партнер ја возел на работа тоа утро - и одеднаш ја променил рутата. Ја обвинил дека го изневерува, ѝ го зел телефонот и, како што тврди, ја удрил со тупаница по лицето.
GOOD NEWS ALERT ⚠️
— 🔨Robert The Builder 🇺🇸 (@NobodymrRobert) March 11, 2025
Woman rescued from kidnapping after passing note to bystander at Utah gas station. pic.twitter.com/5dqrGw3q85
Тешки обвинувања
Откако бил запрен, мажот најпрвин покажал лажна лична карта, а кога му било кажано дека ќе биде приведен, тој признал дека вистинскиот документ е во неговиот паричник.
"Го запрев автомобилот и гледав сѐ од далечина. Сакав да се уверам дека жената е безбедна, дека полицијата не дозволува да ја одведат", рекла случајната минувачка, која ја спасила киднапираната жена.
Локалните медиуми јавуваат дека мажот подоцна бил обвинет за киднапирање, напад, давање лажни информации и возење без дозвола.
© Vecer.mk, правата за текстот се на редакцијата
