На Јутјуб-каналот на Кејт и принцот Вилијам, како и на Инстаграм, објавено е кратко видео каде што принцезата се дружи со извидници на езерото Виндермер во Велика Британија.
Кејт, за време на разговорот со главниот извидник Двејн Филдс, рече дека чувствува длабока духовна и емоционална поврзаност додека е во природа, што ѝ дава „чувство на мир во овој многу зафатен свет“, како што самата додаде.
Не сите гледаат на ист начин на времето во природа, вели, но нејзе тоа ѝ е многу важно.
- Покрај чувството на поврзаност, наоѓам и рамнотежа во природата... Олеснување е што сега сум во ремисија и останувам сосредоточена на закрепнувањето. Како што знае секој на кого му е дијагностициран рак, потребно е време да се прилагоди на новото нормално. Мојата искрена благодарност е до сите што тивко одеа покрај мене и Вилијам додека минавме низ сѐ ова. Не можевме да бараме повеќе. Грижата и советите што ги добивме за време на моето боледување беа исклучителни... Има многу да се очекува. Ви благодариме на сите за континуираната поддршка, изјави таа.
Принцезата уште во јануари објави дека ракот што ѝ беше дијагностициран минатата година, е во ремисија.
Фото: ЕПА
© Vecer.mk, правата за текстот се на редакцијата
