Околу 10 часот наутро по локално време, беше потврдено дека црешата во замокот Кочи, во истоимениот град во западна Јапонија, имала повеќе од пет цвета, што е стандард за прогласување на официјалниот почеток на цветањето, објави новинската агенција Кјодо.
Во градот Кофу, западно од Токио, цветовите на црешата денес процветаа за најрано време откако започнаа евиденциите во 1953 година.
Цветовите на црешата во Кофу, префектурата Јаманаши, процветаа девет дена порано од минатата година и десет дена порано од просекот.
Цветовите во градот Гифу процветаа девет дена порано од минатата година и девет дена порано од просекот, додека цвеќињата во Кочи процветаа шест дена порано од минатата година и седум дена порано од просекот.
Почетокот на цветањето на црешата го следат и Јапонците и туристите кои доаѓаат да им се восхитуваат на цвеќињата на најпопуларните дестинации.
© Vecer.mk, правата за текстот се на редакцијата
