Ако ги следите модните трендови или трендовите за убавина и овие денови сте го погледнале црвениот тепих, TikTok или Instagram профилот на вашите омилени трендсетерки, знаете – панделките за коса се враќаат во мода. Тие повеќе не се само симпатичен додаток за ученички, денес тие се впечатливо парче кое ја подигнува фризурата на ново ниво на елеганција или разиграност, во зависност од стилизирањето.
Се чини дека сè попопуларните микротрендови како препи стилот, балетокорот и „скапата коса“ имаат удел во овој тренд. Голем број познати ѕвезди страсно го промовираа овој женски додаток во последните две години.
Но, панделките не се резервирани само за романтични жени – готските жени ги носат во кадифени верзии, понекогаш со темна сатенска лента што потсетува на викторијански гламур.
Фризерот на познати личности Грегори Расел, познат по својата работа со Ања Тејлор-Џој, вели дека панделките се идеален начин да се направи фризурата поспецијална, без многу напор: „Панделката совршено се вклопува со полусобрана коса, ниска неуредна опашка или класична опашка. Ако се плашите да изгледате премногу стилизирано, додадете малку неуредна текстура за сè да изгледа спонтано.“
© Vecer.mk, правата за текстот се на редакцијата
