Кофеинот влијае на зголемениот срцев ритам и крвниот притисок, а со тоа и на крвните садови и работата на срцето. Големи количини кафе, или кофеин, во подолг временски период неизбежно водат до потенцијални проблеми и нарушувања на срцето.
Научното истражување на д-р Ненси Кагатар наведува дека редовното пиење повеќе од четири шолји кафе дневно може да го зголеми ризикот од фатални срцеви заболувања.
„Поради неговите ефекти врз автономниот нервен систем, дневната консумација на кофеин може да ги изложи здравите лица на ризик од хипертензија и други кардиоваскуларни проблеми“, вели авторката на студијата, д-р Ненси Кагатар.
Таа и тим индиски научници дојдоа до овие заклучоци проучувајќи 92 луѓе со здрави срца.
Тие го тестирале срцевиот ритам и крвниот притисок на секој поединец пред и по изведувањето на триминутен кардио тренинг, а исто така ги евидентирале и демографските податоци и податоците за употребата на кофеин, вклучително и дали испитаниците нормално пиеле кафе, чај или безалкохолни пијалоци.
Речиси 20 проценти од учесниците консумирале повеќе од 400 милиграми кофеин секој ден, што е еквивалентно на два енергетски пијалоци, околу девет чаши црн чај или 11 Кока-Коли.
Луѓето кои консумирале повеќе од 400 милиграми кофеин дневно имале значително поголема веројатност да имаат покачен крвен притисок и повисок срцев ритам дури и по завршувањето на вежбањето.
„Зголемувањето на свеста за ризиците е клучно за подобрување на здравјето на срцето за сите“, вели Кагатара.
Големи количини на кофеин консумирале жени од урбани средини кои работеле во деловна средина.
Во кратки налети, високиот крвен притисок е безопасен, но постојаниот висок крвен притисок врши оптоварување на крвните садови и срцевиот мускул.
Ова може да доведе до срцев удар, мозочен удар, проблеми со бубрезите, васкуларна деменција и проблеми со очите.
Хронично високиот срцев ритам може да предизвика слични компликации
Кофеинот е најшироко користената „дрога“ во светот. Делува така што привремено ги блокира рецепторите во мозокот кои го регулираат спиењето, меморијата, вниманието и учењето, што го зголемува протокот на кислород до мозокот, го забрзува срцевиот ритам и ја подобрува концентрацијата, а сето тоа може да ви помогне да се чувствувате побудни.
Постарите истражувања ја поддржуваат идејата дека умереното консумирање на пијалоци со кофеин не е штетно и дека пиењето мала количина чај дневно помага во здравјето на цревата и го намалува ризикот од срцеви заболувања.
Некои истражувања, исто така, сугерираат дека консумирањето умерена количина кафе дневно може да им помогне на луѓето кои работат во канцеларии да живеат подолго.
Како заклучок, како што е случајот со енергетските пијалоци со висока содржина на кофеин и шеќер, прекумерната консумација на кофеин во подолг временски период, во зависност од целокупното здравје на поединецот, може негативно да влијае на кардиоваскуларниот систем и здравјето на срцето.
Всушност, ако пиете повеќе од 5.000 мг кофеин, кофеинот може да биде фатален, според Центарот за зависност и ментално здравје.
© Vecer.mk, правата за текстот се на редакцијата
