Во последната фаза од политичките преговори на Конференцијата на страните на Рамковната конвенција на Обединетите нации за климатски промени, ЕУ се залага за КОП28 да го доведе крајот на фосилните горива, објави електронското издание на невладината организација „Меѓународен институт за одржлив развој“, која го следи напредокот на преговорите на конференцијата за климата.
На состанокот на високо ниво вчера, Тереза Рибера, шпанската министерка за транзиција во животната средина, ротирачкото претседателство на ЕУ, ја истакна потребата да се стави крај на производството и потрошувачката на фосилни горива и да се обезбеди пристап на сите до обновливи извори на енергија, вклучително и со намалување на трошоците за капитал.
-КОП28 треба да го доведе крајот на фосилните горива, рече Вопке Хоекстра, европски комесар за климатски активности.
Како и обично во оваа фаза од разговорите за климата, дискусиите се одвиваат со различно темпо во различни формати, некои отворени, а некои зад затворени врати, се вели во публикацијата.
© Vecer.mk, правата за текстот се на редакцијата
