Омега-3 масните киселини се најдобри хранливи материи за здравјето на мозокот, а ги има во масните риби.
Благата загуба на меморијата е нормална последица на стареењето. Мозокот, како и кожата, но и сите други органи старее. Можеби ќе се изненадите кога одеднаш во четириесеттите години не можете да се сетите на некои детали. Но, не плашете се, тоа е нормално. Всушност, нашата меморија е најдобрa во нашите дваесетти, а потоа полека опаѓа. Обично, луѓето во раните четириесетти ги забележуваат првите промени во нивната меморија.
Добрата вест е дека со промените во исхраната, стареењето на мозокот може да се одложи. Најважната промена што можете да ја направите? Вклучете хранливи материи како што се омега-3 масни киселини во вашата исхрана.
Омега-3 масните киселини се најдобри хранливи материи за здравјето на мозокот и токму затоа масната риба е најдобрата храна за спречување на губење на меморијата. Лососот, скушата, туната и харингата имаат највисоко ниво на омега-3 масни киселини меѓу природната храна. Токму затоа експертите предлагаат да ги вклучите во вашата исхрана за подобро здравје на мозокот.
Масна риба и мозок
Да, масната риба е најдобрата храна за спречување на губење на меморијата поради омега-3 масните киселини. Сепак, придобивките од омега-3 масните киселини не престануваат само со мозокот. Токму овие типови на масти се поврзани со намалување на ризикот од срцеви заболувања, помагаат во одржување на нивото на триглицериди (масти во крвта) и можат да ги намалат симптомите на артритис.
Значи, како омега-3 масните киселини помагаат да се спречи губењето на меморијата? Всушност, вашиот мозок содржи многу масни клетки, а многу од нив се направени токму од омега-3 масни киселини. Што значи дека помагаат во одржувањето на мозокот со градење на клетки, што е клучно за когнитивното здравје, меморијата и општото функционирање на мозокот.
Исто така, бројни студии покажаа дека омега-3 масните киселини можат да помогнат во спречување на деменција и Алцхајмерова болест, двете болести поврзани со стареење на мозокот и губење на меморијата.
Фото: Профимедиа
© Vecer.mk, правата за текстот се на редакцијата
