Во последната деценија, Кина стана непобитен светски лидер во развојот на железниците, изградувајќи илјадници километри нови пруги кои достигнуваат скоро до секој агол на земјата, а наскоро пристигнува и новиот најбрз воз.
Прототипот на брзиот воз со име CR450, презентиран во Пекинг на 29 декември минатата година, достигна брзина од неверојатни 450 километри на час, што значи дека светот наскоро може да добие нов најбрз воз. Кога ќе започне со комерцијална употреба, новиот воз ќе го надмине сегашниот кинески модел CR400, кој дебитираше во 2017 година и патува со брзина од 350 километри на час.
Прототипот помина повеќе од 2.000 тестови
Најновиот прототип CR450 е резултат на соработката на компаниите CRRC Changchun Railway Vehicles и CRRC Sifang, кои ги истакнуваат неговата брзина, но и енергетската ефикасност, контрола на бучавата и перформансите на кочењето. Прототипот помина повеќе од 2.000 тестови за да ги исполни строгите барања за комерцијална работа, пишува China Daily, но потребни се дополнителни испитувања и подобрувања за да се достигнат строгите стандарди.
Во последната деценија, Кина стана непобитен светски лидер во развојот на железниците, изградувајќи илјадници километри нови пруги кои достигнуваат скоро до секој агол на земјата. Кинеската железничка мрежа се простира на повеќе од 160.000 километри, вклучувајќи повеќе од 46.000 километри брзих железничких линии.
Ефикасна алтернатива на кинескиот воздушен сообраќај
Брзите возови претставуваат еколошка и ефикасна алтернатива на кинескиот воздушен сообраќај, поврзувајќи ги големите градови со руралните области.
Од 1980-тите години, стотици милијарди долари се инвестирани во нови брзи железници со голем капацитет низ Европа и Азија, кои ги воведоа јапонскиот Шинкансен и францускиот TGV (Train à Grande Vitesse).
© Vecer.mk, правата за текстот се на редакцијата
