Волт Дизни е икона на анимираниот филм и несомнено е најзаслужниот за популаризација на цртаните филмови. Беше идол на многу генерации, не само во Америка, туку и ширум светот.
Дизни е роден на 5 декември 1901 година, а почина на 15 декември 1966 година од рак на белите дробови. Иако почина пред речиси 60 години, легендите околу неговата смрт сè уште се популарни, како и многуте цртани што ги остави зад себе.
Поради чуден сплет на околности, митот дека Дизни наводно е замрзнат и ќе биде одмрзнат кога науката ќе најде лек за ракот и денес кружи низ светот.
Дизни речиси цел живот имал голем порок, а според некои тврдења пушел по три кутии цигари дневно. Кога бил откриен тумор на левото белодробно крило, набрзо бил отстранет хируршки, но болеста брзо напредувала. Иако лекарите му дале уште две години живот, тој живеел само уште 34 дена. Починал на 65-годишна возраст, по операција, на 15 декември 1966 година, во болница во Бурбенк, недалеку од студиото. Според неговата експресна волја, не бил организиран јавен погреб.
Сè за смртта на Дизни било прикриено. Сепак, една прилично двосмислена изјава за медиумите ја отворила вратата за бројни шпекулации.
Боб Нелсон, претседател на Cryonic Society од Калифорнија, во интервју за „Los Angeles Times“ изјавил дека Волт Дизни сакал да биде замрзнат.
Поради ова, многумина мислат дека Дизни е навистина замрзнат и дека неговото тело е во замрзнувач. Меѓутоа, Волт Дизни никаде не напишал дека тоа е негова официјална желба и затоа бил кремиран по неговата смрт.
За време на неговиот живот, Дизни бил навистина заинтересиран за достигнувања во областа на криогенетиката и можноста за вечен живот.
- Растечката опсесија на Дизни со сопствената смртност го навела да започне да студира криогенетика. Често фасцинирано им зборувал на пријателите за неговата желба кога ќе дојде време да биде замрзнат, одмрзнат и, доколку е потребно, да се излечи. На овие зборови, неговиот брат само кимнал со главата со неверување – напишал неговиот биограф Марк Елиот во книгата „Волт Дизни – Темниот принц на Холивуд“.
Според приказните кои со децении се ширеле низ светот, Дизни наводно бил замрзнат пред неговата смрт за еден ден да биде одмрзнат, излечен од рак на белите дробови и потоа да продолжи со нормален живот.
Со текот на годините, легендата имала различни варијанти. Некои шпекулирале дека се вели дека неговото замрзнато тело е во Дизниленд под делот „Пиратите од Карибите“, додека други тврдат дека продукциската куќа „Дизни“ го именувала еден од најпопуларните цртани филмови „Frozen“ за да ги запре приказните за Волт.
Без оглед на овие тврдења, телото на Дизни не било замрзнато. Во неговата смртна потврда пишува дека бил кремиран. Неговата пепел била закопана во семејниот мавзолеј на гробиштата Форест Лаун во Глендејл, Калифорнија, пишува USA Today.
Во 2012 година, единствената биолошка ќерка на Дизни, Дијана Дизни Милер, проговори за смртта на нејзиниот татко, кога конечно стави крај на овие шпекулации.
- Го отворивме семејниот музеј на Волт Дизни во Сан Франциско за да ги увериме луѓето дека татко ми е се уште таму, со нив, за конечно да се стави крај на бесмислените гласини, но на нив немаше крај. Пријателите на моите деца постојано ги прашуваат дали нивниот дедо е замрзнат и измислуваат приказни за тоа каде се наоѓа. Не можев повеќе да издржам. Татко ми беше кремиран и се сомневам дека воопшто знаел што е криогенетика – изјавила таа во интервју за Дејли Меил.
© Vecer.mk, правата за текстот се на редакцијата
