Останувањето во врска исклучиво од страв, вина или навика може да нè спречи да пронајдеме среќа и исполнетост. Психологот и терапевт Џефри Бернштајн сподели четири клучни знаци кои може да укажуваат на тоа дали врската има иднина.
Има повеќе негативни отколку позитивни моменти
„Сите врски имаат предизвици, но ако тешките времиња станат правило, а не исклучок, тоа е знак на загриженост. Постојаните расправии, емоционалната дистанца и недостатокот на блискост може да укажуваат на врска која ја изгубила стабилноста и поврзаноста. Ако врската ви носи повеќе стрес отколку радост, вреди да се запрашате дали вреди да останете во неа“, вели Бернштајн за Psychology Today.
Се чувствувате неисполнето и несреќно
Врската би требало да го обогати вашиот живот, а не да го исцрпува. Ако чувствуваме дека постојано мора да се прилагодуваме на партнерот или да ја поправиме врската без да напредок, можеби всушност стагнираме, тврди терапевтот. „Исто така, ако во врската останувате повеќе од страв од осаменост отколку од вистинска љубов, тоа може да биде знак дека е време да се посветите на сопствениот раст и среќа“, додава тoj.
Трпението ви е при крај
"Ако ви пречат ситници кои претходно не сте ги ни забележувале и ако чувствувате иритација почесто отколку поврзаност, ова може да биде знак на насобрано незадоволство. Кога основната врска ослабува, дури и малите нешта може да станат неподносливи, а некогашната блискоста да ја заменат постојаните", предупредува Бернштајн.
Имате чувство дека нешто не е во ред
Внатрешното чувство дека нешто не е во ред е често најдобар показател за проблеми во врската. "Ако помислата за иднината со партнерот ве исполнува со чувство на немир, наместо возбуда, тоа може да значи дека сте свесни за подлабоки проблеми кои можеби не сакате да си ги признаете. Во такви ситуации, корисно е да ја послушате сопствената интуиција и да размислите за следните чекори", советува терапевтот.
Да се препознае дека врската нема иднина никогаш не е лесно, но останувањето во врска што ве исцрпува може да ве оддалечи од среќен и исполнет живот.
„Ако се препознавте во овие знаци, важно е да се запрашате: Дали сум подобра личност откако сум во оваа врска? Ако одговорот е не, не задоволувајте се со помалку отколку што заслужувате. Вистинската врска дава енергија, а не исцрпува“, заклучува Бернштајн.
© Vecer.mk, правата за текстот се на редакцијата
