Патеписец и Јутјубер од Босна го посети градот Вароша, некогаш луксузно одморалиште на Кипар, а денес место кое сите го нарекуваат „град на духови“.
Роберт Дацешин посетил повеќе од 110 земји ширум светот, а неодамна објави видео во кое покажува како изгледа градот Вароша. Во него никој не живее од 1974 година, а до пред неколку години бил во целосна изолација.
Лоциран во јужниот дел на градот Фамагуста, Вароша беше популарна туристичка дестинација пред турската инвазија во 1974 година, привлекувајќи познати личности како Елизабет Тејлор, Ричард Бартон и Брижит Бардо.
Градот на духови некогаш бил место на гламур и сјај
– Во екот на својата слава, овој град беше место на гламур, раскош и богатство од тој период. „Луксузот и раскошот траеја само четири години, додека есента 1974 година тука животот застана, а сите 39.000 жители во тоа време останаа без покрив над главата“, објаснува патописецот на почетокот на видеото.
По инвазијата, жителите ја напуштиле областа, а Вароша останала затворена и напуштена повеќе од четири децении. Зградите се распаѓаат, а природата полека ја презема контролата, претворајќи го некогаш популарното одморалиште во сенишна глетка.
Половина век изолација
Кипар е поделен на два дела од 1974 година, а градот Вароша стана „ничија земја“, поради што влезот во градот беше забранет, до 2020 година, кога повторно беше отворен за туристи. Дачешин имаше можност да влезе внатре и да покаже како изгледа градот. Тој разговараше и со поранешните жители на градот кои се присетија како изгледаше животот во некогаш популарното одморалиште.
– Повеќето од нас зедоа само неколку работи. Сите мислевме дека брзо ќе се вратиме. Но, за жал, не беше така. Што да ти кажам? Кога некој ќе стапне на вашиот имот и ќе ви го земе... – вели еден од луѓето со кои разговарал.
Друг жител на ова пусто место низ солзи проговори за тоа што се случило:
– Отпрвин мислиш дека тоа е лага, дека тоа не се ни случило. Но, тогаш времето поминува и сфаќаш дека никогаш нема да се вратиш дома. Иако навистина посакуваш. Сè уште мислиме дека враќањето е можно.
Поради тензиите меѓу грчкиот и турскиот дел на Кипар, на поранешните жители и посетители им беше целосно забранет пристапот до градот, а оградата што го опкружува одморалиштето се прошири во морето, спречувајќи некој да доплива до него.
© Vecer.mk, правата за текстот се на редакцијата
