Гордана Бјелица не побарала ништо од таткото на Теодора...
„Фатална љубов во која непланирано останав во бремена“, вака Гордана Бјелица ја опишува врската во која ја родила ќерката Теодора. Актерката која остана запаметена по улогата на Беба, атрактивна секретарка во серијата „Среќни луѓе“, реши да роди дете.
Но, не сакала брак и не барала ништо од таткото на својата ќерка. Во медиумите се шпекулирало дека се работи за познат воен репортер Мирослав Лазански кој им ги скршил срцата на многу београѓанки, па сега со нетрпение се чека автобиографската книга што ја најави Гордана Бјелица.
„Пред да останам бремена во моите зрели години, имав брак во кој не успеав да се исполнам како мајка и кој заврши пријателски. Меѓутоа, по разводот имав фатална врска во која останав бремена непланирано“, рекла Гордана.
„Одлуката да родам дете беше само моја, бидејќи верувам дека секоја жена која е способна треба да стане мајка, а јас никогаш ништо не барав од машка страна. Таа, јас и тој знаеме кој е таткото на Теодора. Имавме еден сериозен разговор на таа тема кога и објаснив се и не разговараме повеќе за тоа“, изјавила актерката претходно.
Според неа, единствено и е важно што е дете на љубовта и што го имала со добар маж. Денеска ги забележувам неговите квалитети кај моето дете и преку неа го сакам и него“, рекла Бјелица.
© Vecer.mk, правата за текстот се на редакцијата
