Соопштението дојде само неколку дена по смртта на папата Франциско, кој почина на 21 април. Во меѓувреме во Ватикан се подготвува конклава за избор на негов наследник.
На фотографијата е Трамп во бела наметка и митра, со голем крст околу вратот и кренат прст и сериозен израз на лицето.
Католичката конференција на државата Њујорк, која собира бискупи од таа држава, на социјалната мрежа Х објави:
„Оваа слика не е ниту хумористична, ниту духовита, господине претседателе. Штотуку го погребавме нашиот сакан папа Фрањо, а кардиналите се подготвуваат за конклавата на која ќе изберат нов наследник на Свети Петар. Немојте да нè исмевате.
Сликата на Трамп наиде на осуда и надвор од САД. Поранешниот италијански премиер Матео Ренци, познат како политичар од левиот центар, напиша: „Оваа слика ги навредува верниците, ги навредува институциите и покажува дека лидерот на глобалната десница ужива да глуми кловн“.
Белата куќа, сепак, ги отфрли тврдењата дека Трамп имал намера да ја навреди институцијата Папа.
„Претседателот Трамп отпатува во Италија за да му оддаде почит на папата Франциско и да присуствува на неговиот погреб. Тој е доследен застапник за католиците и верските слободи“, рече портпаролката Каролин Левит.
© Vecer.mk, правата за текстот се на редакцијата
