Фудбалскиот тим на Државниот универзитет во Охајо гордо го освои националното првенство во колеџ фудбалскиот плејоф, а несреќата се случи при нивната посета на Белата куќа за да го прослават успехот.
Трофејот се преполови.
По говорот на американскиот претседател Доналд Трамп, Венс и тренерот на тимот Рајан Деј застанаа на јужниот тревник на Белата куќа, а Венс се обиде да го подигне трофејот.
Венс го зграпчи трофејот, кој потоа се откачи од златниот врв кој го фати играчот Тревејон Хендерсон, кој стоеше зад него. Тогаш трофејот падна на земја, а тој мораше да го подигне пред камерите во живо.
The CFP National Championship Trophy falls apart as VP JD Vance tries to hold it aloft at the White House. pic.twitter.com/XYmZRnCsK0
— Philip Melanchthon Wegmann (@PhilipWegmann) April 14, 2025
Многумина го исмејуваат на социјалните мрежи
Венс се огласи на социјалните мрежи за инцидентот, на шега коментирајќи: „Не сакав некој друг да го земе трофејот по државата Охајо, па решив да го скршам“. Не е изненадувачки што корисниците на социјалните мрежи брзо го споредија инцидентот со неодамнешните политички настани, како што се катастрофалните тарифи на Трамп. „Совршена метафора за економијата на Трамп.“, „Тоа го сумира и вашиот однос кон демократијата“, се само дел од коментарите.
© Vecer.mk, правата за текстот се на редакцијата
