Холандскиот министер за труд Тиери Артсен повика на забрана за таканаречените „детски инфлуенсери“, или деца под 16 години, да учествуваат во комерцијална онлајн содржина, како што се видеа од семејни блогери или инфлуенсери.
Артсен напиша во писмо до холандскиот Претставнички дом дека децата што се појавуваат во онлајн видеа од семејни блогери или инфлуенсери би можеле да се соочат со значителни ризици и дека ова претставува детски труд ако децата систематски се користат за генерирање приход, објави NL Times.
Во писмото до Претставничкиот дом се наведува дека забраната за „детски инфлуенсери“ би се однесувала конкретно на случаи „каде компаниите или родителите ги користат децата како извор на приход“.
© Vecer.mk, правата за текстот се на редакцијата
