Трагичен инцидент во едно од најпознатите египетски летувалишта ја потресе јавноста. Германски турист (57) го загуби животот откако бил каснат од кобра за време на шоу со змии во луксузен хотел во Хургада.
Инцидентот се случил кога, во рамките на забавната програма, змијата се вовлекла под облеката на туристот и го каснала. Иако веднаш била извршена реанимација и бил пренесен во болница, мажот починал како последица на брзото дејство на отровот, кој предизвикува парализа и респираторно гушење.
Истрагата околу тоа како отровницата се нашла до публиката е во тек.
© Vecer.mk, правата за текстот се на редакцијата
