Како по правило, уредите Тамагочи се фокусираат на одгледување само на едно дигитално домашно милениче, но новиот Тамагочи Парадајс го менува ова правило.
Играчот треба да се грижи за цела планета полна со суштества на кои им е потребна помош.
Уредот доаѓа со екран во боја, а покрај стандардните три копчиња, има и странично тркало со кое можете да зумирате на едно милениче или да одзумирате за да ја видите целата планета.
Планетата каде што се наоѓаат суштествата за кои се грижи играчот има копно, вода и небо, а почетниот екосистем зависи од тоа која од трите бои на уреди ќе ги купите. Сепак, можно е да се отклучат сите три за време на играта. Уредите можат да се поврзат за да играте со пријателите.
Тамагочи Парадајс исто така нуди и парење, што значи дека компатибилните миленици можат да создадат потомство, со дури 50.000 можни комбинации.
Уредот прво пристигнува во Јапонија, а лансирањето е закажано за 12 јули. Препорачаната малопродажна цена на новите Тамагочи е 45 американски долари, што е приближно 40 евра.
© Vecer.mk, правата за текстот се на редакцијата
