Можеби не е стрес – можеби едноставно ви недостасува јод, мал, често заборавен минерал кој има огромно влијание врз нашата енергија, расположение, хормони и изглед. Иако е потребен во мали количини, неговиот придонес кон здравјето е непропорционално голем.
Зошто е важен јодот?
Јодот е главна компонента на тироидните хормони – тироксин (Т4) и тријодотиронин (Т3). Овие хормони влијаат на речиси сите процеси во телото – од потрошувачката на енергија, регулирањето на телесната температура, до функционирањето на мозокот и срцето.
Иако јодираната сол се користи како превентивна мерка во многу земји, недостатокот на јод е сè уште здравствен проблем. Со оглед на тоа што јадеме сè помалку солена храна и користиме разни видови сол (хималајска итн.), недостатокот на јод во исхраната е очигледен.
Кои се последиците од недостаток на јод?
Најпозната последица е гушавост – зголемување на тироидната жлезда.
Но, недостатокот на јод може да предизвика и:
• замор, лошо расположение
• бавен метаболизам и зголемување на телесната тежина
• намалена способност за учење и слаба концентрација
• задоцнување во растот и развојот кај децата
• сува кожа, тенка коса, кршливи нокти
Човечкото тело не може да произведува или складира јод, па затоа е потребно да се внесува секојдневно.
Најдобри извори на јод се морските риби и алгите.
© Vecer.mk, правата за текстот се на редакцијата
