Полицијата во Лондон уапси жена во четириесеттите години од животот откако таа одбила да престане да ги храни гулабите и да ги даде своите лични податоци.
Инцидентот се случил во среда попладне кога службениците на градското собрание се обиделе да ѝ изречат казна за прекршување на Наредбата за заштита на јавните простори (PSPO), со која е забрането хранење птици и штетници, пишува „Телеграф“.
Според тврдењата на собранието, жената одбила да го наведе своето име и адреса, што претставува прекршок, и продолжила да ги храни гулабите и покрај предупредувањата.
Полицијата соопшти дека жената повеќе пати одбила да ги даде своите податоци за време на разговор кој траел околу 20 минути, по што била уапсена поради сомневање за прекршување на Законот за реформа на полицијата, кој обврзува граѓаните на барање на полицијата да дадат име и адреса. Податоците подоцна биле обезбедени, а постапката потоа ја презело градското собрание.
Прекршувањето на правилата на PSPO претставува кривично дело и може да резултира со фиксна казна од 115 евра или со судско гонење и парична казна до 1.100 евра.
На снимките од местото на настанот се гледа жена која изгледа вознемирено додека е опкружена со полицајци и службеници на градското собрание, како и минувачи кои изразуваат незадоволство поради интервенцијата на полицијата.
© Vecer.mk, правата за текстот се на редакцијата
