Изгорениците од сонце можат да бидат многу непријатни, но природните решенија доаѓаат на помош и обезбедуваат олеснување за само 30 минути.
Со доаѓањето на летото доаѓа и зголемена изложеност на сончеви зраци, што може да предизвика непријатни изгореници.
И додека се обидуваме да ги извршуваме сите наши дневни обврски, заштитата на кожата често се заборава. Дерматолозите ја нагласуваат важноста од користење соодветна заштита, но дури и кога забораваме на заштитата, постојат природни начини за ублажување на симптомите на изгореници.
Комбинација од зелка, моркови и невен
Еден од најпознатите народни третмани доаѓа од Русија. Листовите од кисела зелка можат да бидат многу ефикасни во смирување на изгореници. Ставете ги на засегнатите области и оставете 20 минути.
Можете исто така да изрендате морков и да го ставите како облога на кожата. Најефективниот резултат го добивате со мешање на рендан морков, зелка и есенцијално масло од невен.
Мешавина од јаболка и компири за ублажување на болката
Ако вашата кожа е иритирана од сонцето, комбинацијата од рендан компир и јаболка може да биде вистински спасител. Оставете ја смесата на кожата половина час, а потоа исплакнете. Оваа природна комбинација помага во регенерацијата на кожата и го намалува црвенилото.
Овес, банани и мед за хидратација
Оваа комбинација не е само корисна за кожата, туку е и исклучително смирувачка. Измешајте две лажици овесна каша, пире од банани и една лажица мед.
Нанесете на кожата 20 минути, а потоа исплакнете. Овој третман ќе ја смири кожата и ќе ѝ помогне побрзо да се опорави.
Домати и јогурт за брзо закрепнување
Еден од најпознатите природни третмани, доматите измешани со јогурт, брзо ги ублажуваат изгорениците. Само исечкајте ги доматите на поголеми парчиња, измешајте со јогурт и нанесете на кожата.
Држете 20-30 минути и исплакнете. Овој третман ја хидрира кожата и го намалува воспалението.
© Vecer.mk, правата за текстот се на редакцијата
