На 4 мај, Плутон тргна ретроградно во знакот на Водолија. Така започна важен астролошки транзит, кој ќе трае до 13 октомври, а носи моќна, но тивка трансформација за сите хороскопски знаци .
Што вели хороскопот за овој транзит? Веќе знаеме дека Плутон во Водолија испраќа сродна душа до некои хороскопски знаци, но што нè очекува сега кога Плутон е ретрограден?
За разлика од побрзите планети, Плутон дејствува бавно: неговото движење влијае на корените на нашиот идентитет, внатрешната моќ, односот кон авторитетот и како се трансформираме преку кризи.
Веќе ви кажавме дека доаѓаат ретроградни енергии и носат хаос, па ајде да навлеземе малку подлабоко во тоа.
Време е да се соочиме со нашите емоции
Кога оди ретроградно, оваа планета ги насочува своите дејства кон внатре, нè поканува да погледнеме во сопствените сенки, да се соочиме со потиснатите емоции, старите обрасци и токсичните врски.
Бидејќи Плутон ќе биде во своето годишно ретроградно движење до 13 октомври, подгответе се за некои промени. Иако сите знаци можат да ги почувствуваат неговите ефекти, три знаци особено ќе се најдат под лупа, чувствувајќи ја лекцијата од Плутон најинтензивно.
Водолија
Бидејќи е во знакот на Плутон, Водолиите ќе чувствуваат силен внатрешен притисок. Ова ретроградно движење носи повик за сериозна интроспекција: кој си ти кога ги симнуваш сите маски? Можеби се чувствувате непријатно во врска со вашиот идентитет, вашиот однос со авторитетни личности и вашето чувство за контрола. Ова е период во кој ќе се соочите со сопствените сенки, но ако го прифатите процесот, ќе излезете од него посилни, поавтентични и послободни.
Бик
Ретроградното движење на Плутон во вашата десетта астролошка куќа (кариера, јавен статус) може да донесе длабоки промени на професионален план. Проблемите со моќта, признанието и амбицијата стануваат извор на стрес. Можни се преиспитувања на кариерниот пат или конфликти со властите. Ако се обидувате да одржите некаква контрола, ретроградниот Плутон ќе ве принуди да се откажете и да ги преиспитате вашите мотивации. Клучот е да ја прифатите промената како раст.
Лав
За Лавовите, овој период може да биде емоционално и психолошки предизвикувачки бидејќи Плутон дејствува на вашата седма куќа на врските. Сè што е скриено под површината во партнерските односи сега излегува на виделина. Може да доживеете заладување на врската, длабока љубомора или борба за превласт. Ова е покана да ги промените вашите обрасци на поврзување – не со контрола, туку со искреност и ранливост.
© Vecer.mk, правата за текстот се на редакцијата
