Марс во Овен е во своето седиште и овде ја покажува својата најчиста, сурова енергија, импулс, борба, акција и потреба да се оди директно кон целта без многу размислување. Ова е огнена, директна и често нетрпелива позиција која носи огромна сила, но и склоност кон нагли реакции, конфликти и избрзани одлуки. Кога оваа енергија е во дисбаланс, може да донесе експлозии на бес, нетрпеливост, тврдоглавост и потреба сè да се решава со сила или доминација, без оглед на последиците.
ОВЕН Кај Овните, Марс во Овен може да ја засили веќе вродената импулсивност до таа мера што личноста реагира пред да размисли. Нервозата, „краткиот фитил“ и константната потреба за докажување можат да доведат до судир со околината, но и до самосаботажа. Претераната брзина во донесувањето одлуки често резултира со грешки, додека нетрпението ги отежнува долгорочните планови и стабилноста.
ЈАРЕЦ Марс во Овен создава силен внатрешен притисок помеѓу потребата за контрола и желбата за брза акција. Јарецот може да ја изгуби својата вообичаена трпеливост и да стане раздразлив кога работите не одат по план. Негативно, ова може да доведе до избрзани потези во работата, конфликти со авторитетите и чувство на фрустрација бидејќи резултатите не доаѓаат толку брзо колку што бара Марс.
РАК Кај Раковите, Марс во Овен делува особено предизвикувачки бидејќи удира врз емотивната природа на овој знак. Ракот може да стане пречувствителен, но истовремено и нагло да реагира поради повреденост, често преку пасивно-агресивни испади или ненадејни изливи на бес. Внатрешната несигурност ќе биде засилена, па доаѓа до повлекување, но и нагли емоционални експлозии кои ја збунуваат околината и ги нарушуваат блиските односи.
ВАГА Марс во Овен може да предизвика внатрешен бунт и нервоза која нема јасен правец. Оваа планетарна позиција најтешко ќе им падне на Вагите кои се во брак, бидејќи мора да научат да направат компромис. Ова особено ќе биде изразено во односите каде партнерот е доминантна фигура.
© Vecer.mk, правата за текстот се на редакцијата
