Поранешната претседателка на Хрватска, Колинда Грабар-Китаровиќ, со години го привлекува вниманието на јавноста, не само со своите политички ставови, туку и со својата физичка трансформација. Откако се повлече од функцијата шеф на државата, таа изгледа послаба од кога било, а сега го откри клучот за губење на тежината и како ја одржува својата идеална тежина.
Без броење калории - клучот е во гликемискиот индекс
- Не бројам калории, но внимавам на гликемискиот индекс на храната што ја јадам. Ги исфрлам сите додадени шеќери, како и висококалорични пијалаци. Се трудам да јадам што е можно помалку сол и скроб, изјави Колинда во интервју за 24 часа.
Таа додаде дека не верува во нискокалорични диети, туку се обидува да ги замени „празните калории“ со храна богата со хранливи материи. Посебен фокус е ставен на разновидна, природна исхрана, инспирирана од медитеранската кујна.
Што јаде поранешната претседателка?
Менито на Колинда се базира на здрави, избалансирани оброци:
- Сакам разни супи и чорби од зеленчук, мешунки и грашок, како и листест зеленчук, салати, риба, пилешко, јаткасти плодови, семки, обичен јогурт и кефир, како и традиционалната палента, рече таа.
Иако понекогаш јаде црвено месо, како стекови и болоњезе, тврди дека речиси целосно избегнува леб - освен кога патува, кога нема многу избор.
Пица - единствената слабост, но дури и тогаш избира поздрава опција
Колинда признала дека пицата е нејзина слабост, но, исто така, се обидува да ја јаде ретко и умерено:
- Обожавам пица, но ја јадам само кога сум надвор со драги луѓе. Ја нарачувам со многу зеленчук, бидејќи сакам салати и варива и не можам да живеам без нив, рекла.
Трик со тестенини - поздрава верзија на италијанскиот класик
Поранешната претседателка не ги избегнува тестенините, но има свој трик:
- Мешам малку тестенини со тиквички, кои ги правам сама. Ги посолувам малку за да се ослободи водата, ги цедам и лесно ги пржам во тава без масло, а потоа сè мешам со болоњезе сос. Така имам впечаток на целосен оброк, но без премногу јаглехидрати.
© Vecer.mk, правата за текстот се на редакцијата
