Еден од најуспешните светски инвеститори Ворен Бафет изјави дека кој не најде начин да заработи додека спие, ќе работи додека не умре. Многумина погрешно го разбраа овој цитат од Бафет, бидејќи тој самиот има 92 години и сè уште работи.
Што точно мисли со „заработување пари додека спиеш“ и дали е воопшто возможно?Да се обидеме да го разбереме цитатот малку подетално, бидејќи има потенцијал да ви го промени животот. Поедноставно кажано, Бафет ги охрабрува луѓето да заработат пари да работат за нив, наместо да го трошат целиот свој живот обидувајќи се да заработат пари.
Како точно се прави ова? Одговорот е - пасивни приходи.
Кога Бафет зборува за оние кои ќе работат додека не умрат, тој зборува за поединци, кои работат секој ден за фиксна сума на пари, за оние кои зависат исклучиво од „активен приход“. Тоа се луѓе кои го инвестираат своето време за да заработат пари.
Тој предупредува за важноста на пасивниот приход бидејќи еден ден можеби нема да можете да заштедите пари, може да се разболите и да не можете да работите неколку месеци. Што ако тоа се случи кога имате семејство кое зависи од вашиот приход?
Или ако заработувате многу пари, но немате време да го правите она што навистина го сакате. И не се работи само за да имате време за одмор, туку и за работата што ја работите. Има голема разлика помеѓу вршење на работа за која сте навистина страстни и работа што не ја сакате, но треба да ја работите за да преживеете.
Ворен Бафет преку овој цитат се обидува да ја објасни важноста на пасивниот приход, кој може значително да го подобри квалитетот на животот.
Дури и ако моментално имате активен извор на приход, важно е да генерирате еден или повеќе извори на приход кои се пасивни.
© Vecer.mk, правата за текстот се на редакцијата
