Од јули минатата година, Европската унија бележи постојан пад на бројот на продадени нови автомобили.
ЕУ забележа пад на продажбата на автомобили за 24,9 отсто во март во однос на истиот месец минатата година, јавува Anadolu Agency (AA).
Асоцијацијата на европски производители на автомобили (ACEA) објави дека во март во земјите на ЕУ биле продадени 153.553 автомобили, што е речиси четвртина помалку од март 2021 година.
Франција е лидер во март меѓу 27-те членки на Европската унија со 39.005 нови автомобили регистрирани за лична употреба. Следува Германија со 30.350 регистрирани нови возила, потоа Италија со 18.753 и Шпанија со 11.880.
Во извештајот се наведува и дека во првите три месеци од годинава во 27-те земји членки на Европската унија се продадени вкупно 411.097 автомобили, што е за 18,1% помалку во однос на првиот квартал од минатата година.
Од јули минатата година, Европската унија бележи постојан пад на бројот на продадени нови автомобили.
© Vecer.mk, правата за текстот се на редакцијата
