Цената на гасот на европската берза ТТФ денеска падна под 37 евра за мегават час, што е најниско ниво за последните два месеци.
Според податоците на лондонската берза ICE, европските фјучерси на гас се продаваа денеска во 10:27 часот по цена од 36.505 евра за мегават-час.
Аналитичарите на агенцијата Capital Economics предвидуваат дека цените во Европа би можеле да паднат уште пониско во блиска иднина поради намалената побарувачка и големите залихи, пишува Wall Street Journal.
„Капитал економикс“ очекува дека гасот во Европа на крајот на 2024 година ќе се продава по цена од 32 евра за мегават-час.
Асоцијацијата на оператори со гасна инфраструктура на Европа (ГИЕ) минатата недела објави дека моменталната зафатеност на европските гасни капацитети е 93,31 отсто, објавија медиумите.
© Vecer.mk, правата за текстот се на редакцијата
