Моментално се нудат над 100 волани, а во иднина ќе останат само три до четири варијанти.
Купувањето премиум автомобил обично значи долг список на опции, но Ауди планира да го промени тоа. Директорот на компанијата, Гернот Делер, објави дека идните модели ќе имаат помалку опции, но подобар квалитет.
Тој ги наведе воланите како пример - моментално се нудат над 100 од нив, а во иднина ќе има само три до четири варијанти, пишува Motor1.
Идејата е да се намали изборот за да се инвестира повеќе во квалитетот на клучните детали во ентериерот, што го потврдува и главниот дизајнер Масимо Фрасела, кој ветува полуксузни материјали и изработка.
Првиот пример за новата филозофија „помалку е повеќе“ е прикажан на Concept C, спортски автомобил со алуминиумски контроли и вистински метален бренд знак. Сериската верзија се очекува во 2027 година.
Во исто време, Ауди се свртува и кон зајакнување на својот премиум имиџ - ги прекинува најмалите модели А1 и Q2, додека А3 останува најприфатливиот.
Нов електричен модел од основно ниво ќе пристигне во 2026 година.
© Vecer.mk, правата за текстот се на редакцијата
