Не е новост дека Кинезите се водечки светски производители, но нивната доминација е толку голема што традиционалните производители несомнено имаат огромни причини за грижа.
Иднината на електричните автомобили, како што сега стојат работите, ќе биде целосно кинеска, бидејќи огромното мнозинство на автомобили на батерии веќе доаѓаат од таа земја.
Ова е и покрај релативно скромната продажба во Европа и фактот што досега не продале ниту еден автомобил на вториот по големина светски пазар, САД.
Според неодамнешните податоци од Rho Motion, кинеските брендови сега имаат неверојатни 76 отсто удел на глобалниот пазар на електрични возила и plug-in хибриди (PHEV), благодарение на агресивното проширување на нови територии.
Во Европа, нивниот удел на пазарот варира во зависност од земјата, но генерално е мал, но тие постигнаа особено силен напредок на помалку развиените пазари ширум светот.
Во Германија, најголемиот европски пазар на автомобили, кинеските производители сочинуваат само околу 4 отсто од 578.000 продадени електрични возила минатата година.
Бројките се малку повисоки во Обединетото Кралство и Франција, каде што освоија 7 и 5 проценти од вкупната продажба на електрични возила, соодветно.
Во Холандија, Шведска, Норвешка и Белгија, кинеските електрични возила заземаат 6, 5, 8 и 3 отсто од пазарот.
Најдобро им оди во Шпанија и Австрија, каде сочинуваат 10 и 11 отсто од вкупната продажба на електрични возила, наведува Јутарњи.хр.
Но, надвор од Европа, кинеските производители на автомобили имаат многу позначаен успех.
Во Бразил, огромни 82 од сите електрични и plug-in хибридни возила продадени во 2024 година дојдоа од Кина.
Слично на тоа, тие имаат 77 отсто пазарен удел во Тајланд и 70 отсто удел во Мексико.
Тие имаат и 75 отсто учество во Индонезија, 52 отсто во Малезија, 74 отсто во Непал и 64 отсто во Израел.
Тие се исто така популарни во Австралија и Нов Зеланд, со 26 и 15 проценти од продажбата соодветно.
Секако, поголемиот дел од своите електрични возила тие ги продаваат на домашниот пазар, кој е најголемиот пазар за продажба на автомобили во светот, но овој податок покажува дека полека и сериозно освојуваат многу други пазари.
Извор: Jutarnji.hr / Rho Motion
© Vecer.mk, правата за текстот се на редакцијата
