Австриското Министерство за социјални работи и заштита на потрошувачите потврди дека е поднесена тужба против четирите најголеми малопродажни синџири во земјата: Била, Шпар, Хофер и Лидл, поради сомнителни попусти.
Тужбата е поднесена во име на државата од страна на Здружението за информирање на потрошувачите (VPI), а причината се наводни неправилности за време на акциите за намалување на цените, објавува виенскиот весник „Пресе“.
Според австрискиот Закон за означување на цените, кој исто така ги следи европските прописи, трговците се должни да ја прикажат најниската цена од претходните 30 дена како основа во случај на попуст.
Министерството и VKI тврдат дека во „голем број случаи“ синџирите не се придржувале кон ова, што можело да ги доведе во заблуда потрошувачите во врска со реалните заштеди.
Во пракса, трговците на мало честопати прво ги зголемуваат цените привремено, а потоа ги намалуваат, така што потрошувачите чувствуваат дека попустот е поголем отколку што е навистина.
Оваа тема е особено релевантна во текот на летото, бидејќи порастот на цените на храната веќе предизвика дискусии меѓу австриските политичари.
Лидерот на Социјалдемократите (SPÖ) Андреас Баблер постојано изјавува дека државата може да интервенира и за контрола на цените, додавајќи дека „не го интересира дали тоа ќе бидат доброволни договори или законски мерки“.
© Vecer.mk, правата за текстот се на редакцијата
