Александар Бјелиќ од компанијата „Глобо“ и графичкиот дизајнер Дарко Марчета најавија дека за две години ќе претстават прототип на обновената марка автомобили „југо“ на специјализираната изложба EXPO 2027 во Белград, која ќе бидат во возна состојба.
Колекционерот на автомобили и нов сопственик на правата за името и моделот „југо“, Александар Бјелиќ, сака да го заштити името и да го врати на патиштата.
Роден во Германија и никогаш не живеел во поранешна Југославија или Србија. Србин по потекло, а како колекционер на класични и спортски автомобили, секако и возила „Застава“, тој решил самиот да ја иницира заштитата на брендот „Застава“ со крајна цел да го врати „југо“, не само како бренд, туку и како возило.
Дизајнерот Дарако Марчета му помогна во ова и првото „југо“ ќе биде подготвено за Експо 27.
- Го претставивме моделот во Минхен на саемот на дизајнери, и тоа беше голем чекор за целиот проект. Добивме позитивни коментари и тоа е причината зошто можеме да продолжиме со проектот - истакнува Дарко Марчета.
Уште една голема вест, истиот тим го обнови „Застава 101“. Брзо се работи на проектот за да може овој модел да се најде и на Експо 2027, а новиот „стојадин“ има сосема нов дизајн на ентериерот и екстериерот.
Засега, овој тим бара фабрика што ќе ги произведува овие модели, а се споменува и Египет, каде што „Застава“ имаше свои погони за склопување автомобили и каде што беше многу успешна во производството.
Рецептот е јасен нов „ас“, како што популарно го нарекуваат многумина, ќе биде евтин и достапен, а се планира и негова електрификација.
- Следниот чекор се уште два модели. Преговараме со производители кои би можеле да го произведат. Производството на прототипови се врши во Зрењанин - додава Маркета.
Ентериерот и екстериерот се во согласност со трендовите, но сепак се многу поскромни од кинеските модели. Потрадиционален е.
Интересно е што Хрватите, се исклучително заинтересирани за овој модел и во повеќето нивни портали пишува дека „Застава 128“ се враќа во полн сјај.
© Vecer.mk, правата за текстот се на редакцијата
