Денес во Париз, сè повеќе луѓе ги заклучуваат своите гаражи не затоа што повеќе не им треба волан, туку затоа што новиот автомобил станал премногу скап.
Пазарот на нови возила во Европа бележи месечно закрепнување, но сепак заостанува зад времето пред ковид-кризата, продажбата е поголема од минатата година, но пониска од „некогаш“. Една бројка објаснува сè - цените се зголемија за повеќе од 24% за четири години.
По пандемиските нарушувања во синџирите на снабдување, производителите ги зголемија класите на модели, цената на купување на делови и суровини се зголеми, а електрификацијата додаде нови трошоци. Затоа салоните нудат подобро опремени автомобили, но и поскапи.
Истото семејство кое до вчера можеше да смета на автомобил како дел од секојдневниот живот, денес се среќава со конфигурации и финансиски пакети што го надминуваат буџетот на домаќинството. Резултатот е видлив на улиците, просечната старост на возниот парк се зголемува, а пазарот на половни автомобили е во подем.
Франција е огледало на овие промени.
Земјата која со децении ја градеше својата автомобилска култура на „популарни“ модели сега е сведок на тивко повлекување на купувачите од салонот.
Кредитите се поскапи, осигурувањето и регистрациите растат, а месечните трошоци за поседување возило се повеќе се нормални.
Слоганот „купи ново и плати помалку“ се судира сè почесто со реалноста на ратите и инфлацијата, потрошувачот се насочува кон половен автомобил.
Програмите за стимулации и „социјален лизинг“ за електрични модели се олеснување за некои граѓани, но тие не го решаваат јадрото - огромното мнозинство на кои сè уште им е потребен прифатлив, мал градски автомобил на кој можат да сметаат без огромни доплати.
Индустријата веќе ги почувствува ефектите и плановите за побрза електрификација како се забавуваат, а се повеќе се зборува за враќање кон поедноставни и поевтини модели. Автомобил кој е првенствено средство за транспорт, а не пакет дигитални претплати и луксузна опрема.
© Vecer.mk, правата за текстот се на редакцијата
