Не е ни Мерцедес ни БМВ.
Интербренд ја објави својата годишна листа на 100-те највредни глобални брендови, а Тојота доминира меѓу автомобилските имиња.
Јапонскиот производител се рангираше на високо 6-то место во генералниот пласман, со проценета вредност од 74,2 милијарди долари и раст од два проценти во однос на минатата година.
Мерцедес заврши на 10-та позиција со 50,1 милијарда долари, но со пад на вредноста од 15%.
БМВ е на 14-то место со 46,8 милијарди долари и намалување од 10%.
Најголем губитник е Тесла, која падна за 35% поради сè посилната конкуренција на пазарот на електрични возила. Нејзината вредност сега е 29,5 милијарди долари.
Хонда (29-то место), Хјундаи (30-то), Ауди (52-ро), Ферари (54-то), Фолксваген (56-то), Порше (57-мо), Киа (89-то) и Рејнџ Ровер (97-мо) исто така беа на листата.
Интересно е што кинескиот BYD е единствениот новодојденец на листата на 100 најдобри – се рангираше на 90-то место, а овој бренд сега вреди 8,1 милијарда долари.
© Vecer.mk, правата за текстот се на редакцијата
